ఆడతనం ఓడింది --అమ్మ తనం గెలిచింది --!? ఓ అమ్మ కధ ,

 "  ఆడతనం "--ఓడింది --"అమ్మతనం " ---గెలిచింది --!?

ఈ మధ్య నా మనసేమీ బాగుండటం లేదు ,అల్లకల్లోలం గా ఉంది -ఏ పనినీ సవ్యం గా చేయలేక పోతున్నాను .ఏదో అలజడి ,ఏదో అసంతృప్తి -ఎడతెగని ఆలోచనల ప్రవాహం లో కాస్సేపు అటు 

కాస్సేపు ఇటు కొట్ట్కుపోతున్నాను .

అన్యమనస్కంగా ఉంటున్నానని చీవాట్లు కూడా తింటున్నాను .ఎం చెయ్యను ? సాదారణంగా నేను ఏదీ పట్టించుకోను -నా భర్త;నాఇల్లు,నా బాబు ,అంతే -బంధువులందరూ ఊరిలో వున్న వెల్లేది చాలా తక్కువ అవుసరం వస్తే ఫోను లో ్మాటలాడటమే .టి .వి .చూడను ,ఒకవేల చూసినా తెలుగు సీరియల్స్  అస్సలు చూడను ,స్త్రీని ఎంత రాక్షసం గా చూపిస్తారో ? స్త్రీ మానసం లో లేని గుణ గణాలను చిత్రం గా చిత్రీకరించి ఆడదంటే అసహ్యం వేసేలా చూపిస్తూ --సొమ్ము చేసుకుంటున్నారు .అయినా అదంతా అప్రస్తుతం -ఆడదంటే వీళ్ళ కేమి తెలుసు? ఆడదాని నిజ విశ్వరూపాన్ని వీళ్ళు ఎన్నటికీ చూడలేరు -చూడబోరు !ఎవరో అన్నట్లుగా " దేముడు అన్ని వేలల తోడు ఉండటం  సాధ్యం కాదని స్త్రీ ని సృష్టిం చాడంటారు -నాకు మాత్రం అది నిజమే అనిపిస్తుంది -ఆడదే లేకుంటే ? ఒక్కసారి ఆలోచిస్తే బాగుంటుందేమో ? అవసరార్ధమో లేక పరిస్తితుల ప్రభావమో లొంగిపోతుంది -లేదా లొంగదీయ బడుతుంది .అంతా జరిగినాక సర్ధుకుపోతుంది -ఇదే జీవితం అనుకుంటుంది --అణిగి మణిగి ఉంటుంది .అలా అలవాటు చేసుకుంటుంది ,నాటి సీత నుండి నేటి షాలినీ వరకు అంతే --?

ఆలోచిస్టుండగానే కాలింగు బెల్లు మోగింది --ఎవరూ అంటునే తలుపు తీసి చూసింది -ఎదురుగా అప్పన్న గాస్ సిలెండెర్ పట్టు కుని వచ్చాడు -డె లివరీ తీసుకుని డబ్బు లిచ్చి పంపేసింది ,ఎం చెయ్యాలి ? ఆయన ఆఫీసుకి వెల్లారు -బాబు స్కూలుకి వెళ్ళాడు --ఇంటి పని వంట పని అయిపోయింది --ఎం చెయ్యాలో తోచక అలా సోఫా లో కూర్చుని ఆలోచిస్తోంది.

కళ్ళు తెరిచినా --కళ్ళు మూసినా ఆ దృశ్యమే కనిపిస్తోంది ఆ చిన్నారి రూపమే -- ఎంత బాగున్నాడు ? అమూల్ బేబీ లా ,బోసి నవ్వుతో --ఎంత అందం గా ఉన్నాడో? బొద్దు గా ముద్దుగా ఉన్నాడు -- ఏ తల్లి కన్న బిడ్డడో ? " పొత్తిళ్ళ లో పెరగాల్సినవాడు విస్తర్ల మధ్య పెరుగుతున్నాడు !ఆ సుమ సుకుమార శరీరం ఎండకు కంది ,వానకు తడిసి, చలికి వణికి పోతూ --దుమ్మూ ధూలిలో పెరుగుతున్నాడు -ఆ చిన్నారి తండ్రి ని చూసి మనసు బా్ధ తో మూలుగుతోంది,కళ్లు చెమర్చాయి --ఎమీ చెయ్యలేని నిస్సహాయత ?

రెండు నెలల  క్రితం అనుకుంటా ఆ బాబుని చూసింది --అదిగో అప్పటి నుంచి అలజడి మొదలయ్యింది .పోనీ పెంచు కుందామా అంటే ఆయన ఏమంటారో ? భయం --దానికి తోడు తనకు ఓ బాబు ఉన్నాడు --వాడూ చిన్న పి్ల్లాడే -

ప్రతీ గురువారం ముగ్గురం కలిసి షిర్ది బాబా మందిరానికి వెలతాము .ఎన్ని పనులున్నా ఆయన బాబా మందిరానికెల్లడం మానరు .ఆ రోజు దర్శనం అయిన తరువాత సరదాగ మర్రిపాలెం వెళ్ళాము అదిగో అప్పుడు చూసాను ఈ బాబుని --

రోడ్దు పక్కన ఇద్దరు కుస్టు రోగులు  కూర్చుని దారిన పోయే వారిని అడుక్కుంటున్నారు ,

ఒకడు చెక్కల బండిలో కూర్చున్నాడు--వేరొకడు దానిని తోసుకుంటూ తీసుకెల్తున్నాడు 

చెక్కల బండిలో కూర్చున్న ముస్టి వాడి ఒడి లో ఈ బాబు కూర్చుని వున్నాడు- యధాలాపం గా చూశా ,కానీ కళ్ళు తిప్పుకోలేక పోయా -వాళ్ళు చూస్తే అడుక్కునేవాళ్ళు -అబాబు మాత్రం వాళ్ల బిడ్డ కాదు --అని తెలిసిపోతుంది.ఆ అందమైన మొహం చూసి వెంటనే ఎత్తుకుని గుండె లకు హత్తుకోవాలనిపించింది.ఆయనకు చెప్పాను --ఏవండీ --ఒక్కసారి ఆ బాబుని చూడండీ ఎంత బాగున్నాడో కదా? అన్నాను అతనూ చూసాడు --ఒక్క క్షనం మవునం  గా 

వుండిపోయాడు --కాస్త తేరుకుని --అన్నారు " ఏవరో కని పారెసిన పిల్లాడనుకుంటా --వీళ్ళు తెచ్చి " సింపతీ కోసం అడుక్కుంటున్నారు " అంటూ బైక్ లాగించేసారు -

ఆ తరువాత రెండు మూడు సార్లు బాబా మందిరం దగ్గరే చూసాము.అదేమిటో ముందుగా బాబు కోసమే నా కళ్ళు వెతికేవి .వాళ్ళు అడుక్కుంటుంటే బోసి నవ్వు తో ఆ బండిలో ఆడుకునేవాడు,.ఏ తల్లి --కన్న బిడ్డ్డో " ఎలా పెరెగాల్సినవాడు ?ఎలా పెరుగు తున్నాడని --

ఎంతో బాధ పడేదాన్ని .

       **********                           ***********                            ************

మరలీనగర్ --

హైదరబాదు  లో బంజారా హిల్ల్స్ కి ఎంత ప్రాముఖ్యత ఉందో --విశాఖపట్నం  మురలీనగర్ కి అంతే పేరుంది .ఎక్కువగా బాగా ధనవంతులుండే ప్రాంతం .

ఆ మురలీ నగర్ లో వైషాఖి పార్క్ కి ఎదురుగా ఉంది " విశాల భవనం " పేరు లా చాలా విశాలంగా ఉంది .రెండు మైను గేట్లు --నలుగురు ఘూర్కాలు --లోపల ఇంద్ర భవనం లా ఉంటుందని అందరూ అనుకుంటుంటారు,ఆ ఇంటి యజమాని " లయం రామిరెడ్డి  --చాలా పెద్ద కాంట్రాక్టరు --కోటీశ్వరుడు -ఆయన భార్య అరుంధతీ దేవి --మహిళామండలి అధ్యక్షురాలు .

వారికున్న ఏకైక సంతానం షాలినీ -ఆ స్తితిలో ఉండేవారు ఒక్కగానొక్క కూతుర్ని ఎలా పెంచుతారో --ఎలా చూసుకుంటారో ఊహించుకోవచ్చు.ఇక షాలిని అందాలరాశి --ఆ అందం ఆమెకు అలంకారమైతే బాగుండేది --కానీ అహంకారమైంది ఆ అహంకారమే ఆమెని నిలువునా ముంచేసింది .ఓ వైపు ధన మదం --మరో వైపు అందరికంటే ఎక్కువని గర్వం--డబ్బుండాలి గానీ --ఎక్కడైనా తిరగవచ్చు--ఏదైనా కొనవచ్చు --వింత వింత స్నెహాలు -సరదాలు --షికార్లు --వాటంతట అవే వెతుక్కుంటూ వచ్చేస్తయి --అల్లానే --వచ్చాయి కూడా --

ఓ వైపు కాంట్రాక్టులు --మరోవైపు రాజకీయాలు --ఇంకో వైపు క్లబ్బు పనులు --నాన్న  చాలా బిజీ --ఇంచుమించు అమ్మ కూడా అంతే ,ఏది మంచి --ఏది చెడు --? ఎలా ఉండాలి ? ఎలా ఉండకూడదు ? చెప్పేవారు లేరు --నోరు మెదపని నౌకర్లు మాత్రం కళ్ళతో మాటలాడే వారు --గుసగుస లాడేవారు .

ఎం జరగ కూడదో --అదే జరిగింది -!చెయ్యి దాటింది --షాలిని తొందర పడిదో లేక కాలు జారిందో 

" తల్లి అయింది " తల్లి చాలా కజువల్ గా తీసుకుంది -ఇదంతా నేటి కాలం లో సహజమే అంది --తప్పు లేదంది --పెద్దగా ఆశ్చర్య  పడలేదు --అంతగా బాధ పడలేదు " కడిగేస్తే " పోతుందని చెప్పింది .

కానీ నాన్న బాధ పడ్డాడు --ఆందోళన చెందాడు -నలుగురికీ తెలిస్తే ? పిల్ల జీవితం ఎమవుతుంది?రేపు పెల్లి ఎలా జరుగుతుంది ?హడావుడిగా ఫ్యామిలీ దాక్టరుని కలిసి సంప్రదిస్తే 

" అబార్షను " స్టేజీ దాటిపోయిందని --ఒకవేల చేసినా తన ప్రాణాలకు ముప్పూ అని చెప్పాడు -

డాక్టరు గారి సలహా మేరకు అంతా రహస్యం గా జరిగిపోయింది ,డెలివరీ కాగానే బిడ్డని ఎక్కడన్నా వదిలించుకుని --లేదాఎవరికన్నా ఇచ్చేసి --అమ్మాయిని చదువుకని వేరే ఎదన్న  దేశానికి పంపించేస్తే సరిపోతుంది--ఇదీ నిర్ణయం-డబ్బు --హోదా -పలుకుబడి అన్నీ సక్రమంగా పనిచేసాయి -రహశ్యం గా ఇంట్లోనే డె లివరీ అయింది --కాకపోతే పసికూన చేతులు మారింది--అభినవ కుంతీ --మరో కర్ణుడిని కని రోడ్డు పాలు చేసింది .

              ****************            ***************            ***************

మనిషి తాను అనుకున్నట్లు బ్రతకలేడు --ఇతరులు అనుకున్నట్లు గా చావనూలేడు --

రోజులన్నీ ఒకేలా ఉండవు -షాలిని లో చాలా మార్పులు వచ్చాయి .అహంకారం అణిగి పోయింది --ఆవేశం చల్లారిపోయింది--ఆలోచన మొదలయ్యింది -! ఎంత నీచం గా ప్రవర్తించింది 

ఎంత ఘోరం చేసింది --పశ్చాతాపపు అలల సుడిలో ఉక్కిరి బిక్కిరి అయిపోయింది -ఏదో 

మైకం లో మూడు నిమిషాల సుఖం కోసం అర్రులు చాచింది --పరవాలేదూ -సరదా తీరిందనుకొంది -కానీ --ఇప్పుడు --ఇప్పుడు బాధపడుతోంది --హృదయ విదారకంగా ఏడుస్తొంది 

శారీరకంగా,మానసికంగా క్షోబ అనుభవిస్తోంది ," మాతృత్వపు మాధుర్యాని తడిగా ఉన్న స్తనాలు " గురుతు చేస్తుంటే ,మడత పడిన పేగు మమతను గుర్తు చేస్తుంటే --మనస్సు తన 

భందాన్ని -తన రక్తాన్ని గుర్తు చేస్తుంటే ఊరుకోలేక పోయింది.మనిషికీ మనస్సుకూ సంఘర్షణ్మొదలైంది .మనిషెమో ఇదంతా మామూలే అంటోంది --కనీ మనస్సు ఎదురు తిరిగింది 

మానవత్వాన్ని ప్రభోదించింది -అమ్మతనపు అనురాగాల మధురిమలను చవిచూడమంటోంది 

మాతృత్వం వరమని చెప్పింది .

ఓ రోజు ఇంట్లో జరిగిన సంభాషనతో అది కాస్త ముదిరింది ,అమ్మ తనకు పెళ్ళి చేసి దూరంగా విదేశాలకు పంపాలని చెప్పింది .వాళ్ళు పెళ్ళి  చేస్తానంటే --తాను వద్దంది --తన తప్పుకు తానే భాద్యత వహిస్తానని --లోకంతో గానీ సంఘం తో గానీ సంభంధం లేదని  ఖరాఖండి గా 

చెప్పేసింది -తన బిడ్డ ఏమైందో --ఎవరికి ఇచ్చారో చెప్పమని బ్రతిమిలాదింది --ప్రాధేయపడిం ది 

చివరికి చస్తానని బెదిరించింది ,,

నిజం గా చచ్చి పోతుందేమో నని వారి భయం చాలా తర్జన బర్జన తరువాత ఓ నిర్ణయం కి వచ్చారు --ముగ్గురూ కలిసి డా క్టరు గారిని కలిసి -అంతా చెప్పి బిడ్డని ఎవరికిచ్చారో చెప్పమని అడిగారు -దాదాపు నాలుగు నెలలైంది ఇప్పుడెలా అంటూనే నర్సుని పిలిచి అడిగారు .నర్సు చెప్పింది --ఆ --రోజు --చెత్త కుండిలో వే్శేద్దామని వె్ళ్ళాను కానీ -ఎంతో కొంత వస్తుంది కదా అనుకుని కె .జి,హెచ్ .వెనుక అడు్క్కుం టున్న కుస్టు వాళ్ళకు మూడు వందలకు అమ్మేసిందని చెప్పింది --అంతె వాళ్ల కోసం వేట మొదలైంది 

తన బిడ్డ కోసం దిక్కు నడిగింది--చుక్కన డిగింది -పక్కనెళ్ళే పంచ భూతాలనడిగింది ,తన బిడ్డ దొరికితే నగరం లో అన్ని దేవాలయాలలో పూజలూ వ్రతాలూ ,దానాలు చేస్తానని మొక్కింది.

పిచ్చి దానిలా వెతికింది--వెతుకుతోంది --వెతికిస్తోంది --

              ******************            **************           **********

మా ఇంటికి అమ్మ ,అన్నయ్య ,వదినా .పిల్లలూ  వచ్చారు .నాకు కొంత రిలీఫ్ వచ్చింది .అందరితో 

ఇళ్ళు కళకళ లాడుంతుంటే           చాలా ఆనందంగా ఉంది .అల్లా కొన్నాల్లు గడిచాయి .--

యధావిధిగా మేము బాబా మందిరానికెసి వెళ్ళాము .దర్శనం చెసుకుని బైటకు వస్తూ చుట్టూచూశాను --నా కళ్ళు ఎవరికోసమో వెతుకుతున్నాయి --ముస్టి వాల్లు లేరు --!

బయలుదేరుదామనుకుంటుంటే --సడం గా సర్రు సర్రు న రెండు --స్కార్పియోలు వచ్చి ఆగాయి --వెనుకనే గంభీరం గా తెల్లని ఇన్నోవా వచ్చి ఆగింది -ఎవరో రాజకీయ నాయకుడేమో అనుకున్నా ంకానీ అందులోనుంచి --ఓ అధ్భుత్ సౌందర్యరాశి దిగింది --

ఎదో మెరుపు మెరిసినట్టు అయింది --మొఖాన చిరునవ్వుతో --దిగి వయ్యారంగా చుట్టు చూసీ 

అలా కారులోకి వంగి సున్నితం గా ఓ బాబుని ఎత్తుకుని బైటకు తెచ్చింది --

ఆశ్చ్రర్యం --ఆ --బాబే -- యువరాజులా --మెరిసిపోతున్నాడు --తన చిన్నారి చేతులతో తల్లి మెడ గట్టిగా కౌగిలించుకుని --వెనుక నుంచి నవ్వుల వాన కురిపిస్తున్నాడు --

నా కళ్ళంట  --నాకే తెలియకుండా --కన్నీరు --" బాబా సాయి  బాబా అంటూనే అలా రోడ్డు మీదే 

సాస్తాంగ  ప్రణామం చేసాను --దేముడా  ధన్యవాదాలు --నిజం గా నువ్వు వున్నావయ్యా--

అంటూ వెనుతిరిగా --

            ***************